१ मुक्तक (२); अजय ढुंगाना

१ मुक्तक

अनौठो छ मनमा आशा कस्तो कस्तो,
केही पनि नबुझिने भाषा कस्तो कस्तो,
हारेरै सकियो आफ्नो भन्ने सबै सबै,
आफ्नो दाउ नपर्ने पाशा कस्तो कस्तो




अजय ढुंगाना

एक मुक्तक; भीमदर्शन रोका

 एक मुक्तक

आकाशको सब तारा गनिसकेपछि

प्रत्येक श्वास सुस्केरा बनिसकेपछि

के रह्यो अब मेरो मसँग प्रियतम ?

तिमीलाई आफ्नो भनिसकेपछि ।

भीमदर्शन रोका

नेपाली कविता डट कमबाट

मुक्तक १, अजय ढुंगाना

                        मुक्तक

बिन्ति नसोध मलाई, म प्राय किन हतारमा हुन्छु,
तर जहाँ भए पनि म त तिम्रै प्यारमा हुन्छु ,
समिपमा भेटेनौ मलाई त तिमीले के भो,
खोजी हेर म त तिम्रै हृदयको दरबारमा हुन्छु

अजय ढुंगाना